సెహ్వాగ్‌ తనయుడి మెరుపులు.. భారత్‌ ఘనవిజయం

అండర్‌-19 ఆసియా కప్‌లో భారత యువ జట్టు శుభారంభం చేసింది. తొలి మ్యాచ్‌లో నేపాల్‌పై 10 వికెట్ల తేడాతో ఘన విజయం సాధించింది. తొలుత నేపాల్‌ను 42.3 ఓవర్లలో 128 పరుగులకే ఆలౌట్‌ చేసింది. ఇషాన్‌ సూద్‌ మూడు వికెట్లతో రాణించాడు. అనంతరం భారత్‌ 19.1 ఓవర్లలోనే లక్ష్యాన్ని ఛేదించింది. వీరేంద్ర సెహ్వాగ్‌ తనయుడు ఆర్యవీర్‌ సెహ్వాగ్‌ 70 (నాటౌట్‌),లక్ష్య రాజేశ్‌ రాయ్‌చందాని 53 (నాటౌట్‌) పరుగులతో అర్ధశతకాలు సాధించారు.