'అతిమానోహరం' కు శబరిమలలో షూటింగ్‌ అనుమతి

మోహన్‌లాల్‌ నటిస్తున్న 'అతిమానోహరం' చిత్రానికి శబరిమలలో షూటింగ్‌ చేసేందుకు ట్రావెన్‌కోర్‌ దేవస్వం బోర్డు అనుమతిచ్చింది. సన్నిధానం, పరిసర ప్రాంతాల్లో చిత్రీకరణకు షరతులతో అనుమతి మంజూరైంది. షూటింగ్‌కు ముందు పూర్తి స్క్రిప్ట్‌ను బోర్డుకు సమర్పించాలి. బోర్డు శబరిమల ఆలయం, సంప్రదాయాలు, విశ్వాసాలను కించపరిచే సన్నివేశాలు ఉండకూడదని స్పష్టం చేసింది. రూ.50 వేల డిపాజిట్‌తో పాటు అటవీ శాఖ అనుమతి తప్పనిసరి.