జనంపైకి దూసుకెళ్లిన ట్రక్కు.. ఏడుగురు మృతి

ఝార్ఖండ్‌లోని ఖూంటీ జిల్లాలో ఘోర రోడ్డు ప్రమాదం జరిగింది. గురువారం రాత్రి స్కూటీ ప్రమాదాన్ని చూసేందుకు రోడ్డుపైకి వచ్చిన స్థానికులపైకి వేగంగా వచ్చిన ట్రక్కు దూసుకెళ్లింది. ఈ ఘటనలో ఏడుగురు మృతి చెందగా.. మరొకరు తీవ్రంగా గాయపడ్డారు. మృతుల్లో ముగ్గురు మహిళలు, ముగ్గురు చిన్నారులు ఉన్నారు. కర్ర-తోర్పా మార్గంలో స్కూటీ ప్రమాదానికి గురికావడంతో ఏం జరిగిందో తెలుసుకునేందుకు స్థానికులు అక్కడికి చేరుకున్నారు.